وأكد الركراكي، في تصريحات لقناة « الرياضية » عقب المباراة، أن هذا التأهل جاء ثمرة عمل جماعي ووحدة داخل المجموعة، مشددًا على أن المنتخب الوطني يلعب بروح العائلة، رغم كل الضغوط والانتقادات التي رافقت المسار.
AFP
وقال الناخب الوطني، في تصريح قوي ومؤثر:
«كنبغي نشكر الدراري كاملين، ديما كنقول حنا عائلة وحدة. واخا بزاف د الناس ما وثقوش فينا وما وثقوش فيا، ماشي مشكل. حنا كنلعبو على المغرب وعلى الجمهور اللي باغي يشوف البلاد ديالو الفوق. جينا باش نكتبو التاريخ، وهاد الشي اللي درنا اليوم».
وأضاف:
«قلت ليهم: 36 عام المغرب ما كانش فثمن نهائي كأس العالم، وحققناها مع بعضياتنا. و20 عام ما شفناش المغرب فنصف نهائي كأس إفريقيا، واليوم رجعنا نكتبوه. ولكن خاصنا نكونو واعيين: مازال ما درنا والو».
وشدد الركراكي على ضرورة التحلي بالتواضع وعدم الانسياق وراء النشوة:
«خاصنا نبقاو متواضعين، رجلينا فالأرض، ونعرفو شنو كناديرو. الدراري عطاو كلشي، وباغيين غير يفرحو هاد الشعب. دوزنا أربع سنين صعيبة، ولكن بقينا مجموعين، واليوم كانت أمسية زوينة للكرة المغربية».
وعن تألق لاعبيه وثقته في خياراته، قال الركراكي بنبرة صريحة:
«الحمد لله ما كنسمعش لأي واحد، كنآمن بالخدمة ديالي وبالطاقم. إلى كانت النية، الطريق كيتفتح. خاصنا نثقو فالناس اللي خدامين فصمت».
Maroc-Cameroun au Complexe Moulay Abdellah à Rabat, lors des quarts de finale de la Can 2025, au Maroc. (09.01.2025)
وختم حديثه بالإشارة إلى اختلاف الأجيال داخل المنتخب:
«أنا كنت لاعب ومساعد، ودوزنا فترات سوداء. الجيل الجديد شاف نصف نهائي كأس العالم، ويمكن يحسبها حاجة عادية، ولكن راه الطريق كان صعيب بزاف. دابا خاصنا نستمتعو بهاد اللحظات، ونوجدو مزيان لنصف النهائي… دابا ما بقاش الضحك، بغينا غير نربحو».
