وقال الحارس الرجاوي عبر حسابه الرسمي بموقع التواصل الاجتماعي « إنستغرام »، « سهل جدا فاللحظات العصيبة تبقى ساكت وتسنا الأمور تصلح وترجع كيف كانت ... »
وأضاف الزنيتي، « لكن فضلت نخرج نوضح بزاف الأمور كواحد من هاد الفريق وكواحد من المسؤولين على هاد النتائج اللي مكتشرفنيش أنا أولا ومكتشرف حتى رجاوي,بالنسبة للفيديو المتداول فهو لاعلاقة له بجمهور الرجا اللي ميمكنش لي نتطاول على أي فرد رجاوي تحمل مشقة السفر لاخر نقطة فافريقيا باش يساندني ويساند الفريق ... المشكل ».
وتابع عميد النادي الأخضر، « كان مع افراد الحراسة اللي كانو تيستفزو فالفريق ويصورو بهواتفهم
وعلى العكس راه التقينا بجماهيرنا، خارج الملعب وفالفندق وحتى المطار وكان هناك انتقادات منهم وتقبلتها لانه بكل بساطة هذاك حقهم المشروع. »
واختتم الزنيتي، « بالنسبة للنتائج الأخيرة ... فالأكيد حتى واحد ما غادي يكون راضي عليها لانها مكتعكسش تطلعات وطموحات الجماهير أولا وحنا اللاعبين والفريق ككل ... أعتذر بالنيابة على كل اللاعبين على هاد النتائج الأخيرة ولو أني عارف هاد الاعتذار ما عندو حتى دور دابا ولكن من الواجب علي نخرج نعتذر لاي واحد رجاوي قصرنا فحقو ... ما غاديش نوصيكم ولا نطلبكم تكملو فالمساندة والوقوف خلف الفريق لانه هادشي ماغريبش عليكم وفالاخير كلشي راحل وغيبقى الفريق والجمهور. »
